ލ.މުންޑޫގައި ނަރުދަމާ އެޅުމުގެ މަސައްކަތުގެ %90 މަސައްކަތް ނިންމާލައިފި
އަދުގެ ރަޢީސުލް ޖުމްޙޫރިއްޔާ އިބްރާޙީމް މުޙައްމަދު ޞޯލިހްގެ ރިޔާސީ ވަޢުދުގެ ދަށުން ލ.މުންޑޫގައި ކުރިއަށްދާ ތަރައްޤީގެ މަޝްރޫޢުތަކުގެ ތެރެއިން ނަރުދަމާ އެޅުމުގެ މަސައްކަތުގެ %90 މަސައްކަތް ނިންމާލައިފިއެވެ.
ލ.މުންޑޫގައި ނަރުދަމާ އެޅުމުގެ މަސައްކަތުގެ ބޮޑުބައިކަމަށްވާ، ބިމުގައި ވަޅުލަންޖެހޭ ހޮޅިތައް ވަޅުލާ ނިންމާލާފައި ވާއިރު . މިހާރު ކުރިއަށްދަނީ ޕަންޕް ސްޓޭޝަން ތަކާއި އައުޓްފްލޯ ގެ މަސައްކަތްތަކެވެ.
މި މަސައްކަތް ކުރިއަށްދަނީ “ފްލެކްސް އިންކް ޕްރައިވެޓް ލިމިޓެޑް” އާއި ޙަވާލުކޮށްގެންނެވެ. އަދި ލ.މުންޑޫގައި ފެންހޮޅި އެޅުމުގެ މަސައްކަތްވެސް ޙަވާލުކޮށްފައިވަނީ މި ކުންފުންޏާއެވެ.